កម្ពុជា និងសហរដ្ឋអាមេរិច ឯកភាព និង ប្តេជ្ញា ក្នុងការពង្រឹង និងពង្រីកកិច្ចសហប្រតិបត្តិការគ្នាបន្ថែមទៀត
17-December-2019 | ដោយ ពលមនសិការ
ភ្នំពេញ៖ នាព្រឹកថ្ងៃចន្ទ ៥រោច ខែមិគសិរ ព.ស២៥៦៣ ត្រូវនឹងថ្ងៃទី១៦ ខែធ្នូ ឆ្នាំ២០១៩ ឯកឧត្តម អង្គវង្ស វឌ្ឍានា រដ្ឋមន្ត្រី ក្រសួងយុត្តិធម៌ និងថ្នាក់ដឹកនាំក្រសួងយុត្តិធម៌ បានទទួលជួបឯកឧត្តមW. Patrick Murphy ឯកអគ្គរដ្ឋទូតសហរដ្ឋអាមេរិចប្រចាំកម្ពុជា និងមន្ត្រីស្ថានទូតសហរដ្ឋអាមេរិចប្រចាំកម្ពុជា ដើម្បី ចូលជួបសម្តែងការគួរសម និង ពិភាក្សាការងារ។
ជាលទ្ធផលនៃកិច្ចពិភាក្សាភាគីទាំងពីរសម្តែងនូវសេចក្តីសោមនស្សរីករាយ ចំពោះកិច្ចសហប្រតិបត្តិការ ប្រកប ដោយលទ្ធផល ជាទី មោទនៈរវាងកម្ពុជា និងសហរដ្ឋអាមេរិចកន្លងមក ជាពិសេស ពាក់ព័ន្ធនឹង ការពង្រឹងសមត្ថភាពមន្ត្រី ជំនាញការបង្ក្រាបបទលើ្មស ការផ្ទេរទណ្ឌិត និងការផ្តល់ជំនួយ ទៅវិញទៅមកនៅក្នុង វិស័យ ព្រហ្មទណ្ឌ។
ជាចុងក្រោយ ភាគីទាំងពីរបានឯកភាព និង ប្តេជ្ញា ក្នុងការពង្រឹង និងពង្រីកកិច្ចសហប្រតិបត្តិការរវាងកម្ពុជា និងសហរដ្ឋអាមេរិច តាមរយៈការបន្តការបណ្តុះបណ្តាល ធនធានមនុស្ស ការផ្តល់ជំនួយទៅវិញទៅមកក្នុងវិស័យព្រហ្មទណ្ឌ ការប្រយុទ្ធប្រឆាំងបទល្មើសឆ្លងដែននិង បទល្មើសលាងលុយ ការការពារកុមារ និង ការអនុវត្តច្បាប់ ៕
ចំនួនអ្នកទស្សនា
- ថ្ងៃនេះ14831
- ម្សិលមិញ15681
- សប្តាហ៍នេះ73671
- ខែនេះ95551
- ឆ្នាំនេះ95551
- សរុប20538007